Aktori shqiptar me famë ndërkombëtare, Blerim Destani është një ndër meshkujt më të preferuar nga femrat. Ai është tepër aktiv në rrjetet sociale dhe mban kontakt të vazhdueshëm me fansat e tij duke i njohur me aktivitetet e ndryshme që ai bën gjatë ditës, me pushimet luksoze dhe jetën e tij të shtrenjtë.
Sot, Blerimi ka ndarë me fansat në profilin e tij në Instagram një foto ku shfaqet në Munich të Gjermanisë, teksa mban në duar ëmbëlsirën e ditëlindjes. Ai ka qenë duke xhiruar kur kolegët e tij e kanë surprizuar në vendin e punës.
“Skuadra më e mirë, faleminderit”, shkruan Blerimi në postimin e tij në Instagram.
Ndërkohë që fansat e kanë uruar për ditëlindjen, të gjithë kanë pasur kuriozitetin se sa vjeç bëri sot aktori i njohur. Blerimi sot mbushi plot 37-vjeç.
