Këtë të djel, në emisionin “Fun Club” e ftuar ishte Big Mama, e cila la shtëpinë e “Big Brother VIP Albania” mbrëmjen e kësaj të premteje.
E pyetur nga moderatorja Dojna Mema se kush është fituesi sipas saj, ajo u përgjgj:
“Zemra ime është që fiton Arjola, me gjithë shpirt. Nuk do bëhem këtu modeste, por do mbroj shoqen time normal. Pavarësisht se e kanë akuzuar që viktimizohet dhe ashtu e ka lojën. Por mendoj sd ka një lojë me shembull të mirë. Aty bëhen shumë lojëra të pista që nuk merren për shembull të keq, ndërsa një grua që jep mesazhin e një nëne të fortë, ajo është viktimizim.
Zemra dhe shpirti është që e fiton Arjola, por po ashtu edhe Iliri.”
Dojna më pas e ka pyetur se kujt i referohej me “bën lojëra të pista”.
“Krejt. Të gjithë. Kjo është arsyeja pse nuk e kam gjetur veten aty. Është “reality show”, unë mundohem të jem reale aty ndërsa ata ditë për ditë i ndërrojnë fytyrat.”
Rikujtojmë se, e rikthyer në studion e “BB”, këngëtarja nga Maqedonia ka folur për të gjithë situatën e rëndë me Antonelën. Ajo e ka startuar fjalën e saj duke i kërkuar falje produksionit, dhe veçanërisht familjes së Antonelës.
Ajo tha se ajo çfarë e bëri të preket aq shumë ishte çështja nacionale dhe thekson se nuk e ka sharë asnjëherë Antonelën në gjuhën serbe. Për këtë, ajo kërkon dhe konfirmimin e kamerave dhe produksionit.
