Këngëtarja dhe modelja shqiptare, Afërdita Dreshaj, pritet të bëhet nënë për herë të parë brenda këtij muaji.
Bukuroshja është në muajin e fundit të pritjes së ëmbël, mirëpo kjo gjë nuk e ka ndalur atë që të frekuentojë pothuajse çdo ditë palestrën. Afërdita është mjaft aktive në rrjetet sociale dhe ndan me ndjekësit e saj momente nga përditshmëria e saj.
34 vjeçarja ka ndarë disa video në InstaStory, përmes të cilave tregon se është tejet aktive edhe në këtë periudhë jo aq të lehtë për të. Ndërkohë, krahas këtyre videove, ajo zbulon se fëmija mund të vijë në jetë këtë javë ose në tjetrën.
“Kur mendoni se do të vijë bebi, këtë javë apo tjetrën?”, ka qenë pyetja që Afërdita u bëri ndjekësve të saj.
Herë pas here, ajo tregon dhe ushqimet që ha për të qëndruar në formë gjatë shtatzanisë.
Madje, si të gjitha mamatë e reja që kanë sjellë këto kohë në jetë fëmijët e tyre, edhe Afërdita ka kryer “ritualet e bukurisë” për ta pritur siç duhet të voglin e saj.
Këto kohë, ajo ka bërë masazhe, trajtime fytyre, ka bërë thonjtë dhe ndihet më shumë se gati për të sjellë në jetë bebushin si një perëndeshë e vërtetë.
“Eja bebush, jemi gati”- shkruan Afërdita krahas fotos ku tregon thonjtë e rinj.
