Në ditën më të madhe të Princeshës Eugenie në Britani, modelja Cara Delevigne u paraqit e veshur me një kostum meshkujsh, që tërhoqi vëmendjen e të gjithëve.
Ajo ecte gjithë pompozitet mes dy të ftuarve të tjerë në dasmën mbretërore, si për t’ju treguar atyre se edhe një femër mund të veshë një kostum meshkujsh dhe sërish të shkëlqejë.
Trendi i kostumit ka arritur deri aty sa është shndërruar në një veshje nusërie nga marka të njohura të modës siç është “George Shobeika”.
Fuqia që i jep kostumi look-ut është vënë re edhe në radhën e të famshmeve shqiptare, të cilat kanë treguar se pak stil mashkullor nuk i bën keq askujt, përkundrazi.
Nga printimet e forta te ngjyrat e ndritshme dhe siluetat moderne, këto janë të famshmet shqiptare që e bënë prezencën e tyre të flasë përmes kostumit.
Versioni femëror i kostumit
Për të gjitha ju femra që nuk dëshironi të vishni pantallona, versioni super femëror i kostumit është ai me tutu si Alketa Vejsiu dhe Luana Vjollca.
Kostumi me print lulesh
Lori Hoxha i habiti të gjithë kur vendosi të veshë një kostum të markës prestigjioze italiane “Dolce & Gabbana” që i përket koleksionit të meshkujve. Përpos çmimit që ishte 2.950 euro, kostumi dukej sikur ishte qëndisur posaçrisht për trupin e Lorit.
Kostumi në ngjyrë të ndezur
Zaimina Vasjari dukej e mahnitshme në fotot me kostumin në ngjyrë çiklamin, që e kishte kombinuar me një shall “Fendi” dhe sandale me gurë shkëlqyes.
Armina Mevlani vjen me një version më sportiv të rozës dhe sigurisht me një crop-top me dizaj lulesh që thyen njëtrajtësinë e ngjyrës.
Kostumi neon
Kur është fjala për të dalë në ekran Luana Vjollca e di mirë fuqinë e ngjyrave neon, ndaj dhe kostumi që ka veshur në pjesën e tretë të emisionit të saj, e fuqizon prezencën e saj.
Kostumi i bardhë
Pasi trendi i kostumeve serioze nisi të përhapej gjerësisht, nuk kishte sesi të mos gjeje një të famshme të veshur pa kostumin e bardhë. Nora Istrefi, Marina Vjollca, Adriana Fejzuallahu etj, ishin ndër femrat e njohura të ekranit që zgjodhën ngjyrën e bardhë për të shkëlqyer.
Nora Istrefi
Marina Vjollca
Ariana Fejzullahu
Kostumi me xhaketë të gjatë poshtë ijëve
Pastaj vjen versioni më me stil i kostumit, ai me xhaketë të gjatë poshtë ijëve dhe me rrip mesi që Roza Lati e sjell me mjaft elegancë.
Roza Lati
