Disa nga emrat e njohur për publikun shqiptar janë përballur me sfida të vështira me shëndetin e tyre, disa prej tyre i kanë humbur këto beteja. Së fundmi ishte Hajrie Rondo, e cila ndërroi jetë të shtunën, pas betejës së gjatë me sëmundjen e rëndë në kokë.
Shëndeti është e vetmja pjesë me të cilën nuk ka lojëra dhe as fama nuk mund të ndihmojë.
Ndërsa sensibilizimi për t’u ardhur në ndihmë personave, që sollën vlera në artin e vendit tonë nuk shihet gjëkundi. Disa nga emrat më të mëdhenj janë shuar për t’u kujtuar, atyre nuk iu dha asnjë dorë ndërsa isha në mesin tonë, të gjallë.
Ja disa nga personazhet publikë që janë përballur me sfidën më të madhe:
Matilda Makoçi
Aktorja shqiptare, Matilda Makoçi, bëri rikthimin e saj të parë në televizion në një mbrëmje poetike në tetor të 2016-s, pas shkëputjes për vite të tëra. 54-vjeçarja është përfolur se vuante prej vitesh nga depresioni.
Në intervistën e pyetur për rikthimin e saj të vonshëm, aktorja e mirënjohur u shpreh: “U riktheva pas një mungese me karakter personal, por nuk më duket vonë, sepse u ktheva në një moment me poezi dhe mjafton kaq që të tregoj që nuk kam asnjë problem me profesionin. Poezitë janë ato që tregojnë aktivitetin e aktorit dhe besoj se u paraqita denjësisht”.
Merita Halili
Prej kohësh përflitej se këngëtarja e njohur e muzikës popullore shqiptare, Merita Halili, vuante nga një sëmundje. Më 28 korrik ajo foli publikisht për sëmundjen nga e cila po kurohet.
Këngëtarja e mirënjohur shqiptare zbuloi se vuante nga Lupus, një sëmundje që prek sistemin imunitar. Kjo sëmundje është e njëjta me të cilën janë përballur shumë personazhe të njohur të televizionit, mes të cilave Lady Gaga dhe Selena Gomez.
“E mora vesh që është folur e është thënë se Merita është sëmurë. Kjo është normale se në përgjithësi për njeriun publik flitet. Unë u diagnostikova në Shqipëri dhe vazhdoj kurën në Amerikë, për një sëmundje që ka lidhje me imunitetin. I ndodh gjithsecilit, quhet “lupus” dhe i ndodh të gjithëve. Humbet pak imunitetin dhe nga dielli të krijohen njolla. Kaq ka qenë e gjitha”, tha Merita.
Silva Gunbardhi
Më 30 janar të këtij viti ajo iu nënshtrua një operacioni, pas një problemi me shikimin. Silva Gunbardhi, një nga emrat e njohur në skenën shqiptare, shkroi një status në “Facebook”, ku kërkonte mbështetjen e fansave ndërsa u thotë atyre të luten për të.
Statusi prekës i këngëtares, nxori në pah anën njerëzore të çdo të famshmi ose të famshme, që pavarësisht se duken si të pakapshëm, ata i vuajnë problemet njësoj si të gjithë.
Big Mama
Fillimisht për të u fol se vuante nga sëmundja e rëndë e kancerit, por këngëtarja vendosi të sqaronte një herë e mirë të gjitha thashethemet. Ajo tregoi se iu nënshtrua një operacioni për heqjen e tëmthit, prej të cilit vuante prej kohësh.
“Unë isha në Turqi, fillimisht për një pjesë të emisionit tim e më pas më dolën edhe disa punë e vështirësi të tjera. Isha në një klinikë kirurgjikale, kam operuar lukthin, domethënë e kam zvogëluar atë dhe gjatë analizave mjekët kanë konstatuar se duhej të hiqja edhe tëmthin për shkak se rrezikoja”, sqaroi këngëtarja në janar të 2017-s.
Flori Mumajesi
Njoftimi i tij i shokoi fansat e këngëtarit më 30 korrik të këtij viti. Këngëtari lajmëroi përmes një statusi në “Instagram”, se kishte probleme me shëndetin, nga dhimbjet që kishte në kraharor, ndaj ishte i detyruar të anulonte të gjitha koncertet për një periudhë kohe. Duke thënë se ka një dhimbje të madhe në kraharor, ai bëri me dije se mjekët e kanë lajmëruar se do t’i duheshin 3-6 javë për t’u rikuperuar.
“Nuk di a duhej ta bëja këtë postim apo jo, por e ndjej detyrim për ata njerëz që nuk kanë mundur të më shohin në koncert. Kam dy dite që luftoj me dhimbjen në kraharor për të mos munguar , për të qenë aty me ju deri në minuten e fundit… Por nuk ja dola dot dhe kjo është dhimbja më madhe në të vertet… Pas këtij lendimi rrezikoj ti anulloj të gjitha koncertet! Doktorët më kanë dhënë afat nga 3 deri në 6 javë për tu rikuperuar, por une shpresoj se do të bëhem mirë më shpejt. Shpresoj mos t’ju shqetësoj ky postim! Nuk me pëlqen ta dramatizoj më shumë, është lëndim i kockës brenda në krahë që duhet kaluar me energji pozitive. Ju dua”, shkruante Flori.
Robert Ndrenika
Aktori i njohur shqiptar u fotografua në spital në shkurt të këtij viti, duke pritur në radhë për t’iu nënshtruar një kontrolli mjekësor.
Kjo foto që bëri xhiron e rrjetit, e tregoi aktorin të ulur në një karrige në ambientet e QSUT, duke pritur për të matur tensionin.
Pritjet në qendrat shëndetësore shqiptare janë një fenomen i njohur, ndaj dhe foto të tilla trishtojnë këdo, jo vetëm ata që i kanë përjetuar këto momente.
Burimi: Iconstyle.al
*Ndalohet ribotimi i artikullit pa lejen e redaksisë
