Një numër i madh të famshmish nga bota e modës, muzikës apo influencers janë kritikuar pasi udhëtuan këtë fundjavë në kryeqytetin e Arabisë Saudite, Riyadh, për të marrë pjesë në festivalin MDL Beast.
Qeveria Saudite ka mbuluar shpenzimet për udhëtimin e këtyre personazheve në mënyrë që ata të mund të dokumentojnë dhe të ndajnë foto e video në rrjetet sociale, për të përmirësuar reputacionin e vendit dhe industrinë e turizmit, në një kohë që vendi po vlon nga kritikat për abuzimet me të drejtat e njeriut.
Sipas raporteve dhe fotove të postuara në Instagram nga faqja Diet Prada, disa nga të pranishmit më të njohur ishin aktorë dhe muzikantë përfshirë Armie Hammer, Ed Westwick, Ryan Phillippe dhe DJ Steve Aoki, si dhe modelet Winnie Harlow, Alessandra Ambrosio, Stella Maxwell dhe figura të njohura të mediave sociale si Sofia Richie dhe Scott Disick.
https://www.instagram.com/p/B6Wb9ONnOmV/
Diet Prada ishte ndër të parat që kritikoi këtë pjesmarrje të gjerë në festival të VIP-ave, të cilët sipas saj ishin paguar paraprakisht. Ajo solli në vëmendje disa nga abuzimet më të dukshme të të drejtave të njerzve, përfshirë këtu atë të tetorit të vitit 2018, me vrasjen e gazetarit Jamal Khashoggi, apo arrestimin dhe deportimin e aktivistes për të drejtat e grave Loujain al-Hathloul, maj 2018.
https://www.instagram.com/p/B6YT7MhBT27/?utm_source=ig_embed
Po sipas informacioneve që përcjell Diet Prada, disa prej të famshmëve thuhet se u janë ofruar shumë të mëdha parash me 8 shifra për t’i bërë publicitet vendit. Shumica udhëtuan me avione private.
Të tjerët u pritën në aeroport me pamfleta mbi “Kodin e Sjelljes”, përmes së cilit u kërkohej burrave dhe grave të vishen në mënyrë modeste në publik, duke shmangur veshjet e ngushta.
Karen Attiah, editore e “The Washington Post” shprehej kështu për situatën: “Kur paratë janë mbi jetën e njerëzve. Çfarë të mirë ka platforma jote nëse mbyll sytë ndaj regjimit Saudit të vrasjeve dhe torturave për disa kartëmonedha?”
https://www.instagram.com/p/B6V2vBrJGiM/
Por kjo nuk është e gjitha, pasi gjatë festivalit thuhet se ka pasur një varg ngacmimesh seksuale të femrave!
Postime të disa femrave janë publikuar në Instastory-n e Diet Prada-s, të cilat thonë se janë përndjekur nga meshkujt dhe janë grisur nga rrobat apo prekur në vende intime, pavarësisht refuzimit të vazhdueshëm nga ana e tyre.
Modelja Emily Ratajkowski kishte refuzuar pjesëmarrjen në këtë festival, pikërisht për arsye të shkeljes së të drejtave të njerëzve.
Në fillim të këtij viti, ylli i hip-hopit Nicki Minaj refuzoi gjithashtu të performonte në shenjë respekti për të drejtat e grave, të drejtat e homoseksualëve dhe lirinë e shprehjes, që shkelen gjerësisht në këtë vend.
https://www.instagram.com/p/B6ZMElMHgSx/
