Jeta e të famshmëve nuk ka qenë aq e lehtë sa mund t’ju duket tani. Ata kanë kaluar shumë sfida, disa prej të cilave që në fëmijëri. Këto celebrities kanë secili një histori të veçantë kur nisën hapat e parë të jetës. Nga Steve Jobs te ikona e bukurisë Marilyn Monroe, këto janë të famshmit që nuk e dinit se ishin të birësuar.
Steve Jobs
Drejtuesi i ndjerë i “Apple” u braktis që në lindje nga mamaja e tij biologjike dhe u adoptua menjëherë nga Paul dhe Clara Jobs, çifti nga San Francisko që nuk mund të kishte fëmijë.
Marilyn Monroe
Ikona e viteve ’50 u lind nga një nënë e pamartuar dhe shpejt kaloi në qendra të ndryshme birësimi. Në moshën 11-vjeçare ajo jetonte me një mikeshë të familjes, Grace McKee Goddard, e cila më pas u kthye në kujdestaren e saj ligjore. Monroe u martua në moshën 16-vjeçare në mënyrë që të dilte nga sistemi i birësimit.
John Lennon
Ylli i “Beatles” është rritur nga tezja dhe daja që në moshë 5-vjeçare, pasi babai i tij u zhduk ndërsa mamaja u arratis me një burrë tjetër.
Nelson Mandela
Politikani dhe aktivisti i paqes u adoptua nga kryetari i një tribune në moshën 9-vjeçare, pak pas vdekjes së babait të tij biologjik.
Nicole Richie
Nicole është rritur në Kaliforni nga artisti Lionel Richie dhe ish-bashkëshortja e tij, Brenda, pasi u adoptua në moshën 9-vjeçare. Thuhet se prindërit e saj biologjikë ishin miq me çiftin Richie e madje që babai i saj luante në të njëjtin grup me artistin. Por, një gjë e tillë nuk është konfirmuar kurrë. Kumbari i saj ka qenë Michael Jackson.
Bill Clinton
Babi i ish-Presidentit vdiq në një aksident me makinë 3 muaj para se ai të lindte. Mamaja e tij vijoi studimet për infermieri duke e lënë fëmijën e saj me familjarët. Bill u rrit nga gjyshërit dhe pas kthimit, e ëma u martua me Roger Clinton i cili e birësoi Bill-in.
Jamie Foxx
Aktori u adoptua nga gjyshja e tij nga mamaja, pasi prindërit e tij u ndanë kur ai ishte 7 muajsh. Ai u rrit në Teksas dhe talenti për aktrim dhe këndim ka rënë në sy që kur ai ishte pjesë e korit të kishës.
Mario Balotelli
Futbollisti i njohur u lind në Palermo nga dy prindër refugjatë . Duke mos përballuar dot shpenzimet për fëmijën, ata e lanë djalin 3-vjeçar në një shtëpi fëmije, ku Mario u adoptua nga Silvia, vajza hebreje e një çifti që i mbijetoi holokaustit dhe Francesko Balotelli.
Faith Hill
Këngëtarja e famshme është adoptuar në moshë shumë të vogël dhe është rritur në Misisipi, së bashku me dy vëllezër më të mëdhenj.
Ray Liotta
Aktori është adoptuar kur ishte 5-muajsh, nga Mary dhe Alfred Liotta. Prindërit e tij birësues ishin të angazhuar me politikën lokale dhe zotëronin një pikë me pjesë këmbimi për makina.
Burimi: Marie Claire
