Ata dikur bën një “gabim”, por tashmë e kanë rregulluar! Tatuazhet e përbashkëta të partnerëve janë një fenomen i njohur, por një ide jo dhe aq e mirë.
Por çfarë ndodh me tatuazhin e përbashkët, i cili simbolizon dashurinë mes çiftit, kur ky i fundit ndahet?
Në fakt kjo është një nga arsyet që shumë celebrities janë penduar për këtë veprim dhe kanë ndryshuar imazhin e tij, pas ndarjes.
Angelina Jolie dhe Billy Bob Thornton
Angelina Jolie dhe Billy Bob Thornton vendosën të bënin të dy një tatuazh në vitin 2000, ku shkruheshin emrat e secilit prej tyre, shoqëruar nga një dragua. Por, dy vite më pas, Angelina zhduku dragoin dhe emrin për t’i zëvendësuar me emrat dhe ditëlindjet e fëmijëve dhe bashkëshortit Brad.
Johnny Depp dhe Amber Heard
Pas ndarjes shumë të bujshme dhe të zhurmshme të Johnny Depp, aktori vendosi menjëherë të fshinte gjurmët e ish-bashkëshortes së tij prej një viti. Vetëm pak jave pas skandalit në të cilin Amber e akuzonte Depp se kishte ushtruar dhunë mbi të, ky i fundit vendosi të hiqte tatuazhet që kishte bërë. Ai zëvendësoi fjalinë “Slim” (kështu e thërriste aktoren me përkëdheli) me fjalën “Scum” (llum).
Melanie Griffith dhe Antonio Banderas
Vetëm 4 vjet nga martesa e tyre, kur Melanie shkroi në krahun e saj emrin e Antonio Banderas, rrethuar nga një zemër. Martesa zgjati 18 vjet dhe sapo nisën përgatitjet për divorc, nisën dhe përgatitjet për të hequr tatuazhin. Në dhjetor të vitit 2015, emri i Antonios pothuajse ishte zhdukur.
Denise Richards-Charlie Sheen
Denise dhe Charlie Sheen shkruan emrin e njëri-tjetrit pas martesës në vitin 2002. Por shumë shpejt martesa u pasua nga një divorc, që për të thënë të vërtetën nuk shkoi dhe aq mirë. Këtë gjë e tregon dhe fakti që Charlie direkt pas divorcit hoqi me lazer tatuazhin, ndërsa Denise e zëvendësoi atë me një zanë-flutur.
Laurence Fox dhe Billie Piper
Kur ata u martuan në 2007-n, aktori Laurence Fox dhe këngëtarja Billie Piper kishin tatuazhe të përbashkëta, datën plus ‘Mr Fox’ dhe ‘Mrs Fox’, për të përkujtuar ditën. Ata u ndanë katër muaj më pas dhe tatuazhi i Fox u mbulua nga nja dhelpër e madhe. Ndërsa Billie e hoqi me laser.
Katie Price dhe Peter Andre
Gjatë martesës me Peter Andre në 2007-n, Kate bëri me tatuazh emrin “Pete” me zemra sipër një kurore, në kyçin e saj të dorës. Vetëm disa javë pasi ai e la në vitin 2009, ajo shpenzoi 85 paund për të bërë një kryq mbi emrin e tij. Më pas bëri një lule mbi atë “rrëmujë”.
Victoria Beckham
Këtu nuk flitet për ndonjë divorc, por ish-këngëtarja e Spice Girl, ka zbehur së fundmi shumë tatuazhe të bëra në nder të bashkëshortit të saj David.
Një tatuazh i madh i realizuar në shpinë në hebraisht, që shkruante “Unë jam e të dashurit tim dhe i dashuri im është imi”, është pothuajse i hequr, pas trajtimeve me laser. Ajo gjithashtu ka zbehur tatuazhet në dorën e saj.
Burimi: Daily Mail
