Gatimi është një pasion që më së shumti e kanë femrat. Por kur je në rolin e një shtëpiakeje, që të duhet të mbash familjen me të ngrëna e me të mira, ndonjëherë kthehet edhe në stres se me çfarë do t’i mbledhësh të afërmit në tryezë për vaktin e radhës.
Megjithatë, gatimi mbetet një pasion edhe te të famshëm shqiptarë që zgjedhin të gatuajnë një vakt në shtëpi, në vend që të dalin të hanë jashtë. Akoma më i bukur është gatimi kur bëhet për partnerin e zemrës. Ne po ju sjellim sot disa prej të famshmeve shqiptare që janë amvisa shumë të mira dhe këtë e tregojnë me krenari në rrjetet sociale:
Orinda Huta
Në një intervistë pak kohë më parë Orinda është shprehur se i pëlqen shumë të gatuajë dhe provon shpesh receta të reja për ta surprizuar Turin. Ndërsa së fundmi Orinda ka postuar në Instastory një shumëllojshmëri gatimesh që i ka përgatitur apostafat për bashkëshortin e saj.
Arbana Osmani
Arbana Osmani, përveçse një moderatore shumë e mirë, rezulton të jetë dhe një kuzhiniere e shkëlqyer. Arbana ka publikuar edhe një libër me recetat e saj të preferuara, i cili pati shumë sukses.
Dua Lipa
Këngëtarja Dua Lipa ka qenë e ftuar në emisionin “Untitled Action Bronson” të reperit shqiptar Acton Bronson, ku ka demonstruar aftësitë e saj në kuzhinë. Në këtë emision Bronson gatuan receta të ndryshme me mysafirët e ftuar dhe me Dua Lipën shfrytëzuan rastin të gatuajnë pite. Disa prej fotografive duke gatuar i ka shpërndarë edhe Dua Lipa, e cila ka thënë ishte kënaqur në emisionin e reperit shqiptar.
Olta Gixhari
Aktorja, Olta Gixhari di edhe të gatuajë përveçse të aktrojë dhe të pozojë përpara aparatit fotografik. Ajo madje ka një këshillë për të gjithë ne: “Të hamë gjithmonë spaghetti”.
Me sa duket kjo është receta e preferuar e Oltës. Pak kohë më parë ajo pozoi në ambientet e një kuzhine, duke përgatitur spaghetti me perime. Lum ai që i ka provuar!
Burimi: Iconstyle.al
