Kanye West prezantoi koleksionin e ri të Yeezy vjeshtë 2017, në javën e modës në New York, duke sjellë një trend të ri shumë të ndryshëm nga sezonet e kaluara.
Për Sezonin e pestë të Yezzy, West u vendos në studiot Pier 59, në Manhattan, ku kombinoi sfilatën me video projektim, të famshëm, dhe muzikë të re të padëgjuar më parë. Ashtu si në sezonin e mëparshëm të Yeezy, Kim Kardashian u ul në rresht të parë pranë editores së Vogue, Anna Wintour.
Të tjerë të ftuar ishin, Kylie Jenner dhe Tyga, të cilët gjithashtu ishin ulur në vend të parë, si dhe Carine Roitfeld, Hailey Baldwin, LaLa Anthony etj. Të ftuarit mbërritën në Pier 59 në Manhattan dhe shfaqja filloi rreth orës 3:00, me imazhet e modeleve të projektuara mbi një ekran në qendër të pistës.
Atmosfera ishte e errët plotësisht dhe të pranishmit e gjetën rrugën për në vendet e tyre duke përdorur dritën e telefonave. Po cila ishte e veçanta e këtij koleksioni?
Bashkëpunimi me Denim. Koleksioni përfshiu veshje xhins me pantallona dhe xhaketa sportive të kombinuara me çizme me qafë të gjerë në ngjyrë nude.
Atletet e reja Yeezy, vijnë këtë sezon në formën e tyre më sportive dhe me ngjyra të shumta, që pritet të dalin shumë shpejt në shitje.
A post shared by Kylie (@kyliejenner) on
Logoja e Adidas vendoset në qendër. Ndërkohë që bashkëpunimi me Adidas ka qenë disi nën hije në të kaluarën, ky sezon ka qenë një festë e vërtetë për këtë markë sportive. Ka pasur kapele, pantallona, bluza dhe xhaketa që kishin logon e markës sipër.
