Ata janë ndër aktorët më të pëlqyer jo vetëm në Turqi, por edhe në Shqipëri. Ndaj ne kemi fatin të krenohemi me origjinën e tyre shqiptare:
Tolgahan Sayisman
Në një intervistë për “Pasdite në Top Channel”, një nga aktorët më të famshëm turq, Tolgahan Sayisman, tregoi për herë të parë për origjinën e tij:
“Kur isha me xhirime në Shkup të Maqedonisë dëgjova një fjalë të urtë për shqiptarët ‘të marrësh një vajzë shqiptare është si të këpusësh një lule nga parajsa’. Më bëri shumë përshtypje dhe isha shumë kurioz të njihja një vajzë shqiptare. Jam shumë i lumtur që pata fatin të marr më të bukurën e Shqipërisë të cilën e dua shumë. Babai im me origjinë të largët është shqiptar”, tregon aktori i njohur.
Barış Arduç
Barış Arduç, aktori simpatik që shohim në telenovelën “Dashuri me qira” është me origjinë shqiptare. Ai ka lindur në vitin 1987 dhe babai i tij është shqiptar, ndërsa nëna nga Turqia. Përveç aktrimit, regjisurës dhe modelingut ai është dhe ambasador i “Life Without Cancer Society” , “ Një jetë pa kancer” në Turqi. Nëse do të kërkoni online për të do të zbuloni disa fakte interesante që e lidhin me Shqipërinë. Ai lindi në Zvicër dhe kur ishte 8 vjeç u zhvendos me familjen e tij në Turqi, por kombësia e tij është gjysmë shqiptare dhe gjysmë turke. Jo vetëm kaq, ai gjithashtu flet shqip, përveç gjuhëve të tjera si anglisht, turqisht dhe spanjisht. Barış Arduç ka luajtur një sërë serialesh në Turqi dhe është fitues i dhjetëra çmimeve.
Kivanc Tatlitug
Ylli i serialeve turke ka pranuar në një intervistë se ka origjinë shqiptare. Gjatë një interviste për CNN turk, aktori Kivanç Tatlitug, i njohur nga të gjithë si ‘Brad Pitt’ i Turqisë theksoi se origjina e tij ishte nga Kosova. Edhe më herët aktori, i cili nga shqiptarët njihet në shumë role filmash që ka luajtur, ndër më të njohur ‘Dashuri e ndaluar’ apo edhe ‘Gymysh’ ka pranuar se nuk është nga Turqia.
Deniz Barut
Aktorja ka zbuluar prejardhjen e saj shqiptare në një urim që i ka bërë të atit. “I dashur baba, i forti baba. Sot është ditëlindja jote. Së bashku, edhe shumë vite të lumtura. “Ti bëhu shumë i fortë dhe qëndro gjithmonë pranë nesh. Shqiptari inatçor, të dua babi.” – ka qenë urimi i aktores.
Halit Ergenc
Ai njihet nga të gjithë si Sulejmani i Madhërishëm. “Më duhet të them se të parët e mi nga ana e mamasë në Periudhën Osmane kanë ardhur në Turqi, pra babai i gjyshit të saj ka qenë shqiptar. Mund të them me gojën plot se në damarët e mi ka gjak shqiptari”, ka thënë aktori në një intervistë.
Burimi: Iconstyle.al
