E keni parasysh atë momentin ku mezi merrni guximin për të ikur në det sepse iu djeg këmbët rëra e nxehtë apo kur rrezikoni të “thyeni qafën” në pishina? Epo tani jo më të tilla “strese”, pasi mbërrin shpikja që kishim dashur.
Askush nuk mund të shpresonte që të ecte zbathur dhe njëkohësisht të mos dëmtohej, vritej, pritej apo pa ndier nxehtësinë e rërës, por ja që dikush ka gjetur zgjidhjen.
Një kompani italiane ka dizajnuar shtresa të holla që ngjiten në pjesën e poshtme të këmbëve dhe ne nuk kemi nevojë të veshim shapka me gisht apo ato sandalet prej gome që përdoren në plazh. Krijuesit thonë që shtrojat “Nakefit” janë “rezistente ndaj ujit, prerjeve, nxehtësisë dhe nuk rrëshqasin”, kështu që mund të përdoren në plazh dhe pishina.
Projekti, për të nisur zbatimin, duhet të krijonte fillimisht një bazë materiale, por porositë online tashmë e kanë kaluar kuotën bazë.
Shtrojat “Nakefit” nuk kanë nisur të shpërndahen, por ju mund të porosisni paraprakisht në faqen e saj, “kickstarter”. Ato shiten në pako me dhjetë palë, rreth 30 euro.
Ekzistojnë në tri ngjyra, rozë, të zezë dhe bojëqielli.
Burimi: Unilad
