Vetëm pak ditë më parë, moderatorja Arjola Shehu festoi ditëlindjen në kushte të pazakonshme.
Disa speciale e gjeti Arjolën të izoluar, pasi zbuloi se ishte infektuar me Covid-19.
“Sigurisht, kjo ditëlindje për mua është ndryshe… e mbyllur në shtëpi prej disa ditësh… me temperaturë dhe pa mundësi për të dal jashtë dhomës sime… por kjo kohë vetëm, të bën të kuptosh se çfarë vërtetë ka rëndësi, kush është pranë teje, sa e rëndësishme është të jemi mirënjohës për çdo frymëmarrje! Gëzuar për mua! Me covid, por me shumë dashuri…! Mezi pres të kthehem pranë jush!”, shkroi moderatorja krahas postimit ku jepte për ndjekësit këtë lajm.
Fatmirësisht, gjithçka ka shkuar mirë dhe Arjola do të rikthehet sërish të hënën në punë, siç ka treguar edhe vetë gjatë pyetje-përgjigjeve me ndjekësit në InstaStory.
Por si e përjetoi infektimin dhe a nxorri një mësim prej tij? Sigurisht që po!
Arjola tregoi se i dridhej zemra sa herë mendonte se mund t’i ndodhte diçka edhe familjes së saj.
“Ç’rëndësi kuptove mbi jetën kur e di që po kalon Covid-in?”- ishte pyetje të cilës moderatorja ia ktheu:
“Të jem e sinqertë, se sa e shtrenjtë është familja edhe sesi të dridhet zemra vetëm kur mendon se diçka mund t’i ndodhë atyre.”- është përgjigjur ajo.
