Këtë të diel më 7 tetor do të mbahet Maratona e Tiranës, e cila vjen me edicionin e saj të 3-të si eventi më i madh sportiv në vend (regjistrohu këtu).
Më shumë se 2500 vrapues nga 40 vende të ndryshme të botës pritet të marrin pjesë.
Gara do të ketë 3 kategori; Half Marathon (21, 0975 km), Tirana 10K dhe “We too” kjo një kategori që ka për qëllim të jetë më shumë motivuese se sa kompetitive.
Çmimet janë ndarë në bazë të vendeve dhe kategorive:
Nuk do të mungojë as gara Fun Run e cila do të zhvillohet një ditë para garës së madhe me datë 6 tetor 2018 me të rinjtë e Shkollave te Mesme të Tiranës.
Ndërkohë, kryetari i Bashkisë së Tiranës, Erion Veliaj, përmes një statusi në rrjetin social Instagram ka njoftuar se pjesë e maratonës do të jetë edhe kampionia Luiza Gega.
Pjesë e garës do të bëhen edhe personazhe të njohur për publikun shqiptar, madje edhe nga kabineti qeveritar i Ramës, si zv. Ministrja e Financës dhe e Ekonomisë Albana Shkurta.
Shefi i Shtabit te Përgjithshëm Bardhyl Kollçaku do të jetë gjithashtu pjesë e maratonës, bashkë me dy moderatoret Nevina Shtylla dhe Xhesika Trola.
