Ditën e djeshme në Kosovë janë mbajtur zgjedhjet e parakohshme.
Situata gjatë gjithë ditës u paraqit e qetë dhe pa incidente ndërsa në orën 19:00 u mbyllën qendrat e votimit.
Pas një pushimi të shkurtër KQZ, nisi numërimin e votave dhe më poshtë është rezultati i deritanishëm.
Deri tani janë numëruar më shumë se 95% të votave dhe në krye qëndron Lëvizja Vetëvendosje.
Lëvizja Vetëvendosje është në avantazh me 25,74% ose 196,440 vota.
Pas saj është Lidhja Demokratike e Kosovës me 25,05% ose 191,174 vota.
Partia Demokratike e Kosovës është e treta me 21,20% ose 161,815 vota.
Koalicioni AAK-PSD ka arritur të marrë 11,59% ose 88,479 vota.
Nisma bashkë me Aleancën Kosova e Re dhe Partinë e Drejtësisë, sipas të gjitha gjasave nuk do ta kalojnë pragun, duke qenë se kanë marrë vetëm 4,93% ose 37,601 vota.
