Gjithnjë e më shumë, femrat po rriten me presionin e vazhdueshëm të fotografive të modeleve seksi dhe të depiluara që i shohin në çdo revistë. Për shumë gra, ideja për të mos depiluar qimet e trupit nuk ka qenë asnjëherë një opsion; është bërë normë.
Por një video e modeles së njohur Gigi Hadid, që u publikua të hënën, theu të gjitha pritshmëritë për perfeksionin që priremi të shohim te modelet. Gigi u shfaq e padepiluar në zonën e sqetullave në një reklamë për kalendarin e revistës “LOVE”. Ajo tregoi muskujt, aftësitë e saj në boks, por jo, të gjithë i kishin sytë te qimet poshtë sqetullave.
Videoja nxiti një debat të menjëhershëm që ndërthurej herë me vlerësime dhe herë me thashetheme fyese. Makeup artisti Hung Vanngo, i cili u kujdes për paraqitjen e Hadid për xhirimin, mori pjesë në këtë debat për të thënë se e kishte fajin “djersa dhe pluhuri”, ndërsa të tjerë debatonin nëse qimet ishin një rezultat i pushit nga trikoja e modeles.
Përpos këtyre justifikimeve, një fakt është i sigurt: Qimet e sqetullave të femrave, madje edhe më shumë se qimet publike, vazhdojnë të jenë një temë pikante. Dhe ndërkohë që trendet e reja stereotipike “mashkullore”, të tilla si flokët e shkurtër të Cara Delevingne apo Kristen Stewart janë kremtuar kryesisht si të besueshme dhe unike, një grua që nuk depilohet vazhdon të ushqejë zemërimin.
Në fund të fundit, ndoshta i vetmi rregull i bukurisë që ka rëndësi është se mënyra se si zgjedhim të dukemi apo të vishemi nuk është puna e askujt. I nisur nga ky debat, Iconstyle.al realizoi një pyetësor online dje në profilin e Instagramit, për të parë se çfarë qëndrimi mbajt shqiptarët lidhur me të drejtën e një femre për t’u depiluar ose jo.
Pyetja e përzgjedhur ishte: Nëse një femër nuk depilohet: Është punë e saj apo duket e shpifur? Mes dy alternativave kishte një diferencë shumë të vogël, herë-herë, fansat tanë ndaheshin 50% me 50%, duke nënkuptuar se gjysma ishin kundër mosdepilimit të qimeve publike dhe gjysma mendonin se nëse depilohet ose jo një femër, është punë e saj.
Në fakt depilimi daton në vitin 3.000 Para Krishtit, kur gratë po përdorin depilatorë të dëmshëm për të hequr qimet e trupit dhe për t’u dukur të pasura. Burrat gjithashtu depiloheshin, por kryesisht për arsye higjienike, si dhe për t’u siguruar që mjekrat e tyre nuk kishte morra. Deri në fillim të viteve 1900, reklamat e revistave inkurajonin gratë të hiqnin qimet në trupin e tyre duke përdorur kremra dhe brisqe. Në të njëjtën kohë, gratë po i tregonin më shumë këmbët, po vishnin funde më të shkurtër dhe u vendos që qimet e këmbës nuk ishin më tërheqëse. Imazhi i femrës së depiluar u krijua si një ideal i femrës seksi dhe suksesshëm u kthye në normë.
Tani që ka ardhur koha e vetëshprehjes dhe eksperimentimit, biseda e braktisjes së betejës me lëkurën e irrituar është në rritje. Të mos depilohesh është një shtytje serioze kundër pritjeve shoqërore, veçanërisht për gratë. Feministët kanë ndjekur fushata që shtyjnë femrat të lënë trupin në formën e tij natyrale duke i bërë jehonë faktit që nuk duhet të ndihesh keq që je e padepiluar vetëm sepse je femër.
Fakti që qimet e trupit tek një grua kanë fuqinë që t’i kthejnë femrat nga flirtuese në jo të tilla, lidhet me standardet e vendosura të të qenit seksi.
“Është një mit që kemi krijuar. Në heteroseksin tonë, kemi krijuar kuptime se çfarë do të thotë të jesh burrë dhe çfarë do të thotë të jesh grua “, thotë Jackie Mlotek, themeluesja e Ryerson Feminist Collective.
“Ne kemi krijuar të kundërtat në mënyrë që të mund ta kuptojmë njëri-tjetrin në mënyrë që të mund të kemi një strukturë, që i përkufizon burrat me qime dhe gratë pa qime”.
Por nëse një mashkull me qime që quhet burrëror, vendos të depilohet, kjo nuk shihet me aq negativitet sot siç shihet për femrat që heqin dorë nga brisku.
Megjithëse meshkujt nuk turpërohen për qimet e tyre, ka një pjesë të konsiderueshme të meshkujve, të cilët zgjedhin të depilohen. Sipas qendrës estetike në Kanada, “Slick Wax Bar”, kur u hap dyqani në fillim, raporti i grave me burrat që depiloheshin ishte diku rreth 80 me 20, dhe tani është 60 deri 40. Kjo do të thotë se gjithnjë e më shumë depilimi ose jo i qimeve të trupit po ndahet nga një vijë më e hollë në aspektin e maskuinitetit apo feminitetit. undësia për të bërë çdo gjë që të pëlqen, po shihet si opsioni më i mirë.
