Dafina Zeqiri dhe Dj Geek u kthyen disa muaj më parë në çiftin më të komentuar të showbiz-it, kjo për lidhjen e papritur të dashurisë dhe ndarjen po aq të shpejtë të tyre.
Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentetit sipas Dafinës ishte të zgjidhte karrierën.
Megjithatë, duket se dyshja nuk e ka mbyllur përfundimisht dhe ende nuk po kuptojmë ç’po ndodh mes tyre.
Ata hera-herës pushtojnë mediat me komente të ndryshme në rrjetet sociale, ndërsa pjesën më të madhe të kohës janë bashkë.
https://www.instagram.com/p/CCOljAKAi2N/?utm_source=ig_web_copy_link
Pak javë më parë këngëtarja na i ka çuar në një nivel tjetër dyshimet me deklaratën e saj mbi dashurinë në emisionin “Në kurthin e Piter Pan”.
Autorja e hitit “A je pendu” u pyet nëse është e dashuruar, duke u përgjigjur se është ende pak e dashuruar dhe se ka një dashuri të madhe brenda saj, duke mos e përmendur emra, por s’do mend se cili ia ka vjedhur zemrën.
Jam ende pak e dashuruar se kam dashni shumë të madhe kështu që është ende këtu, brenda meje”, ka pohuar Zeqiri duke shtuar se në fakt do donte të mos dashuronte kaq fortë, pasi më parë ka qenë edhe më ndryshe, megjithatë mendon se tashmë nuk mund të ndryshojë më, duke shtuar se dashuria është nga gjërat më të mëdha, bashkë me muzikën.
E teksa ne po kryqëzojmë gishtat që ata të jenë bashkë (sepse për hir të së vërtetës na pëlqejnë shumë si çift), një video e çiftit po qakullon online.
Një mik i tyre ka postuar mbrëmjen e djeshme një video në Instastory, ku Dafina dhe Dj Geek shihet të përqafuar, teksa Geek i dhuron edhe një puthje.
Nuk e dimë nëse dyshja mund të rikthehet bashkë, por duhet të mësohemi me faktin që mund të mbeten vetëm miq dhe se komentet në profilet e njëri-tjetrit do të vijojnë njësoj si më parë.
Edhe nëse rikthehen, me siguri që këngëtarja nuk do ta bënte më publike ashtu siç ndodhi pak muaj më parë, kur publikoi foto me Geek, për të cilat u pendua dhe i fshiu menjëherë.
