Teknologjia ka menduar edhe për të dashuruarit. Kompania Touch ka projektuar unazën e quajtur HB, në mënyrë që t’iu lejojë partnerëve të ndjejnë më afër gjysmën tjetër edhe pse fizikisht janë larg njëri-tjetrit.
Unaza është një kombinim i materialeve tradicionale por edhe atyre modern që mundësojnë transmetimin e pulsit te dikush tjetër. Me pak fjalë pulsi juaj mund të rrahë në dorën e tjetrit edhe kur jeni larg.
Prodhuesve nga Japonia, Gjermania, Zvicra dhe Çekia iu deshën më shumë se dy vite e gjysmë për të përfunduar unazën, përbërja e së cilës është prej çeliku inoks, ari dhe safiri rozë. Kjo duket si zgjidhja ideale për çiftet që kalojnë shumë kohë larg njëri-tjetrit, për shkak të rrethanave të ndryshme.
