Gratë duhet të presin më shumë se 250 vjet për të pasur barazi ekonomike (pra të paguhesh njësoj si burrat), sipas Forumit Ekonomik Botëror (WEF).
Si pjesë e raportit vjetor për ndasitë gjinore, organizata mati barazinë gjinore për 153 vende në katër kritere të ndryshme, përfshirë politikën, ekonominë, arsimin dhe shëndetësinë.
WEF zbuloi se hendekut gjinor ekonomik do t’i duhen përafërsisht 257 vjet për t’u mbyllur, madje më shumë se 202 vitet që parashikoi në 2018-n.
“Askush prej nesh nuk do ta shohë barazinë gjinore gjatë jetës sonë dhe kjo nuk ka gjasë të ndodhë as për fëmijët tanë”, thotë raporti.
Vitin e kaluar, WEF paralajmëroi që nëse më shumë gra nuk inkurajoheshin të hynin në fusha të tilla si shkenca, teknologjia dhe inxhinieria, hendeku gjinor mund të zgjerohet.
Për më tepër, forumi shton se jo shumë gra po hyjnë në profesione ku rritja e pagave është më e shpejtë.
/Independent
