Tayna është kthyer në një prej emrave më të lakuar të muzikës shqiptare, e cila ka realizuar 3 projekte të reja muzikore në vetëm 2 muaj. “Columbiana” ka tërhequr jo vetëm vëmendjen e ndjekësve të saj, por edhe të kolegëve të saj, duke spikatur me diss-et ndaj tyre.
E filloi me diss-in kundrejt vajzave me këngën “Shqipe” dhe e pasoi me “Cake” për të gjithë reperët meshkuj.
Në një intervistë për “Bota sot” e pyetur nëse do të pëlqente ta quanin Fenomenin e vitit 2018 apo një Star, ajo tha: “Njihem si Tayna , tjerat i takojnë njerëzve të vendosin”.
Më tej e pyetur nëse i gjithë ky sukses i saj bazohet mbi talentin apo mbështetjen që ka marrë, Tayna u përgjigj duke thënë: “Përderisa nga të gjitha rashë në sy unë, domethënë që talenti luan ron shumë të rëndësishëm edhe është diçka që më bën të dalloj nga të tjerat. Pastaj mbështetja e njerëzve luan rol shumë të rëndësishëm, edhe pa ata nuk kisha qenë këtu ku jam. Kombinimi i dyjave më kanë sjell suksesin”.
Gjithashtu reperja tregoi se inspirohet nga çdo femër që është e zonja e vetes.
