Thuhet se këngëtarja Taylor Swift ka mbetur shumë e befasuar nga Kim Kardashian, pasi kjo e fundit publikoi një video të bisedës private të Taylor me Kanye West.
Pasi Taylor tha se nuk kishte qenë në dijeni të këngës së re të reperit amerikan, bashkëshortja e tij publikoi një video ku Kanye e vinte në dijeni Taylor-in për vargjet e saj dhe në një farë mënyre “i merrte leje për këngën”.
Taylor duket se ka mbetur mjaft keq nga kjo video, aq sa avokati i saj ka kërkuar fshirjen urgjentisht të çdo bisede që çifti West-Kardashian ka bërë në telefon me klienten e tij.
Megjithatë, duket se i dashuri Tom Hiddleston është një nga personat që po e ndihmon Taylor Swift të kalojë këto “kohë të trazuara”.
Pasi doli “blof” në media, me pretendimin se nuk është treguar aspak e sinqertë, 26-vjeçarja u shfaq krah për krah aktorit muskuloz Tom, si të ishte “superheroi i saj”.
