Në këngën e re, Taylor Swift duket se ka masakruar në mënyrë të fshehtë një telefonate që mori nga Kanye West në 2015-n.
Biseda e 40-vjeçarit me Taylor u publikua nga Kim Kardashian, si një dëshmi se asaj i ishte marrë leje për t’iu publikuar emri në albumin e fundit të tij, “The Life Of Pablo”.
Dhe 27-vjeçarja Taylor duket se i është përgjigjur përmes këngës “Look What You Made Me Do”, dy vite më pas.
Në tekst, West shprehej: “Ndihem sikur po bëj seks sërish me Taylor Swift/ Oh, unë e bëra atë bushtër të famshme”.
Pjesë për të cilën Taylor e akuzoi publikisht dhe madje e kërcënoi se do ta hidhte në gjyq. Por në videot e postuara nga Kim mund të dëgjohej telefonata e Swift, ku aprovonte tekstin e këngës.
Dhe sot, ashtu siç dhe bëri të ditur pak ditë më parë, Taylor Swift i bëri “diss” reperit nga Brooklyn.
“Më vjen keq zemër, por Taylor-i i vdekur nuk mund të përgjigjet në telefon. Pse? Oh, ajo ka vdekur”, thotë këngëtarja në këngë. “Zemër, unë sapo jam ngritur nga të vdekurit/ E bëj gjithmonë këtë/ Kam një listë me emra dhe i yti është me të kuqe, i qarkuar dhe i nënvizuar”.
Taylor Swift dhe Kanye West kanë një histori të gjatë zënke, e cila daton që në 2009-n, kur Swift fitoi çmimin “Best Female” në MTV VMA dhe Kanye u ngjit në skenë duke e marrë trofeun e duke ia dhënë Beyonce-s për “Single Ladies”. Që prej asaj kohe, të dy kanë pasur një marrëdhënie të lëkundur.
E nëse mendoni se Swift do ta lërë me kaq… mendohuni dy herë.
Albumi i saj do të publikohet më 10 nëntor, pikërisht në datën e përvjetorit të ndarjes nga jeta të nënës së Kanye West!
