Ai u përfol se kishte shpërthyer ndaj ish-të dashurës së tij, Taylor Swift, pasi kjo e fundit u fotografua duke u puthur me Tom Hiddleston, vetëm dy javë pasi ata bënë publike ndarjen e tyre.
Por 32-vjeçari Calvin Harris theu heshtjen pasi u filmua duke shkuar për në palestër të mërkurën nga TMZ. Kur ai është pyetur se si ndihej rreth gjithë kësaj situate, ai është përgjigjur shumë shkurt.
“Calvin, ndonjë koment rreth Taylor dhe Tom? A të ka tradhtuar ajo ty?”, pyesin fotografët.
Ai thjesht ka buzëqeshur dhe është përgjigjur: “Gjithçka është në rregull, ajo është duke bërë gjënë e duhur për veten e saj”.
Duket se Calvin po e përballon shumë mirë këtë ndarje dhe është i vendosur të mos shfaqë asnjë emocion, por burime të ndryshme raportojnë se Taylor e ka tradhtuar atë me Tom.
Fotografitë e këngëtares me aktorin Tom gjatë një shëtitje buzë detit në një plazh në Britani.
Burimi: Daily Mail
