Kur vjen puna për të komentuar tatuazhet, Karl Lagerfeld nuk ka turp: “Unë mendoj se tatuazhet janë të tmerrshme. Është sikur të jetosh në një fustan Pucci gjithë kohës”.
Ndërsa nuk mund të vërtetojmë se si është t’i mbash për 365 ditë të çdo viti, ka disa njerëz që nuk bien dakord me Karl-in. Dukshëm që nuk vlen për të gjithë, tatuazhet mund të jenë një formë interesante të shprehjes së vetes.
Dhe duke qenë se moda është vetëm për shprehjen e vetes, femrat më me stil shqiptare kanë disa tatuazhe. Disa prej tyre në vende të dukshme, ndërsa disa të tjera mundohen që t’i fshehin me veshje apo me pozicionin e të qëndruarit.
“Iconstyle.al” sjell në vëmendje tatuazhet e disa prej VIP-ave shqiptare, që nuk i kishit vënë re:
Armina Mevlani
Në korrik të 2016-s, Armina zbuloi padashje në një foto pushimesh një sekret të vogël, një tatuazh që ndodhej në fundshpinën e saj, që shkruan “La dolce vita”. Në një intervistë për “Iconstyle.al” në atë kohë, Armina sqaroi se për tatuazhin është frymëzuar nga filmi i njohur klasik i Federico Fellini-t, “La dolce vita”.
“Kam shkruar ‘La dolce vita’ para disa vitesh, e inspiruar nga filmi dhe nga fakti se më duket shprehja që, le të themi, ndjell një jetë pozitive. E kam bërë aty, pasi pak a shumë të dyja tatuazhet i kam në vende që nuk dua të duken shumë, sepse ka raste që në veshje klasike nuk dua t’i kem nëpër duar apo në vende të tjera të dukshme, thjesht dua që të duken në plazh”, tha Armina.
Lori Hoxha
Blorgerja shqiptare ka një tatuazh në këmbën e majtë, në zonën e zyçit. Por ju nuk e kishit vënë re asnjëherë deri më sot. Pas një kërkimi në “Instagram”-in e Lori Hoxhës, arritëm ta zbulonim në një fotot të publikuar në mars të 2016-s, megjithatë, mbetet mister se çfarë ka gdhendur në lëkurë Lori.
Estela Ujka
Ajo u bë nënë për herë të tretë në prill të këtij viti dhe është shumë e vërtetë me ndjekësit. Mjaftojmë të sjellim në vëmendje faktin që Estela nuk e ka problem të pozojë pa makijazh dhe të tregojë shëndetin e marrë nga shtatzënia. Por ndoshta nuk e kishit vënë re që ajo ka një tatuazh në pjesën e kurrizit, mes dy shpatullave. Tatuazhi është i realizuar vertikal dhe është një dedikim për bashkëshortin.
Ledina Çelo
Këngëtarja e njohur shqiptare pasi tregoi format e saj të pabesueshme, tregoi edhe një detaj në janar të këtij viti. Në pjesën e fundshpinës 40-vjeçarja Ledina Çelo ka një tatuazh, por nuk dimë për çfarë bëhet fjalë.
Albana Osmani
Në korrik të 2017-s, kur moderatorja Albana Osmani publikoi një foto me rroba banje, ndjekësit e vëmendshëm arritën të dallojnë menjëherë diçka. Një tatuazh shumë pranë zonës së saj intime.
Aurela Hoxha
Veç tatuazhit në shpatull, që është shumë i dukshëm, Aurela Hoxha ka dhe një në pjesën e brendshme të këmbës së djathtë. Pavarësisht se në fotot e saj nuk është shumë i dukshëm, ai u dallua fillimisht kur fashionistja shqiptare u ftua në emisionin “Zonë e Lirë”. Në të duket se shkruhet: “Once upone a time…”.
Rudina Magjistari
Moderatorja e famshme e emisionit “Rudina” gjithashtu ka një tatuazh, kuptimin e së cilit deri më tani nuk e ka ndarë ende me ndjekësit e saj. Megjithatë, në kyçin e këmbës së saj dallohen inicialet “A.S.”, që ende nuk dihet kujt i përkasin.
