Beyonce dhe disa nga të afërmit e saj u mblodhën të shtunën për të festuar ardhjen së shpejti në jetë të binjakëve të saj.
Ylli i “pop”-it kishte zgjedhur temën festive afrikane për “baby shower”-in e quajtur “Carter Push Party”, ndërsa u dallua duke festuar me të ftuarit, përfshirë Serena Williams, Tina Knowles, La La Anthony, Vanessa Bayer.
Bey u dallua duke treguar tatuazhet me këna në bark, ndërsa ishte veshur me reçipeta dhe fundin shumëngjyrësh.
Më vonë ajo publikoi disa foto mahnitëse bardhë e zi në “Instagram”.
Këngëtarja 35-vjeçare mbante një palë vathë të mëdhenj floriri dhe një shall mëndafshi të lidhur në kokë.
Fituesja e “Grammy”-it është në pritje të ëmbël të binjakëve me bashkëshortin e saj 47-vjeçar Jay-Z, me të cilin ka edhe vajzën 5-vjeçare Blue Ivy.
Festa u mbajt në një vendbanim privat në Beverly Hills dhe disa tullumbace të arta formonin “Carter Push Party”.
Një i brendshëm tha për “E!News”: “Festa ishte shumë familje me Blue Ivy dhe shumë miq të saj, që vraponin përreth rezidencës. Kishte një çadër të madhe të ngritur mbi pronën, ku edhe u mbajt. Dekori ishte me temë afrikane dhe shumëngjyrësh me sixhade të vendosura në dysheme, ku u ulën të ftuarit”.
Burimi shtoi se ishte marr një artiste e tatuazheve me këna, si dhe kërcimtarë dhe muzikantë afrikanë që ecnin përreth.
Festa me sa duket ishte përshtatur për të rriturit dhe fëmijët.
Jashtë ishte organizuar një festë në pishinë për fëmijët, me kujdestarët e ujit, kamerdare dhe një bar me limonadë.
Babai i saj, Mathew Knowles, tha për TMZ javën e kaluar se binjakët pritet të vijnë në jetë pas dy javësh.
Burimi: Daily Mail
