Angelina Jolie ka festuar pak ditë më parë 46-vjetorin e lindjes. Ditën e saj të lindjes ajo e festoi mbrëmjen e së premtes në Los Angeles në një restorant me fëmijët e saj.
“Ata kaluan shumë bukur duke festuar në shtëpi dhe fëmijët e surprizuan me një darkë speciale jashtë”, ka konfirmuar një burim për “People”.
Kujtojmë se para disa ditësh, pas shumë vitesh betejë më në fund doli dhe vendimi i gjykatës në lidhje me kujdestarinë e fëmijëve të Jolie dhe Brad Pitt.
Dyshja do e ndajnë kujdestarinë e fëmijëve të tyre së bashku. Një gjykatës ka vendosur në favor të aktorit të njohur, sipas ‘Us Weekly’ që ka siguruar dokumentet.
“Në dëshmitë e dorëzuara në gjykatë ka shumë pika të rëndësishme që duhen parë, por kujdestaria duhet ndarë duke iu përshtatur edhe kërkesave të zotit Pitt, në interes të fëmijëve”, shkruhej në dokument.
Kur ky vendim të hyjë në fuqi, dy aktorët do ndajnë kohën që shpenzojnë me fëmijët dhe do kenë kujdestari të përbashkët të: Maddox, Pax, Zahara, Shiloh, dhe binjakëve Knox e Vivienne.
para pak kohësh, Angelina Jolie ka akuzuar ish-burrin e saj për dhunë në familje dhe ka paraqitur dokumente në gjykatë duke pretenduar se ajo ishte viktimë e dhunës në familje nga Pitt. Dokumentet tregojnë më tej se fëmijët e tyre kanë rënë dakord të japin dëshmi kundër dhunës së pretenduar të aktorit 57-vjeçar. Për këtë arsye këto ditë kanë qenë shumë të vështira për Brad Pitt, ndaj ai është hedhur në krahët e ish-bashkëshortes, Jennifer Aniston për të gjetur mbështetje.
