Në muajin tetor të vitit që lamë pas këngëtarja shqiptare me famë botërore, Dua Lipa, vendosi të ndryshonte rrënjësisht pamjen e saj.
Ajo u kthye në gjysmë-bjonde dhe tërhoqi vëmendje të madhe me look-un e veçantë, i cili tashmë e personalizon më së miri.
Mirëpo, dekolorimi i shpeshtë i flokëve i ka sjellë edhe disa probleme të vogla Duas.
Këngëtares kanë nisur t’i këputen flokët dhe këtë “hall” e ka ndarë me ndjekësit e saj në InstaStory.
Dua ka treguar se është detyruar të bëjë baluke me flokët e këputura për shkak të dekolorantit.
“Kur jeta të jep flokë të këputura për shkak të zbardhuesit, bëj baluke”- shkruan këngëtarja krahas postimit ku shfaqet me një kapuç në kokë dhe disa baluke që i bien mbi vetulla.
Sot, Dua nuk harroi të uronte vendin e saj, Kosovën, për 12-vjetorin e pavarësisë, me një postim që na i bëri zemrat mal të gjithëve!
