Ajo luan vajzën në rrezik Jane në Legjendën e Tarzanit.
Por duket se jeta imitoi artin të martën në premierën europiane të filmit në Londër, kur Margot Robbie kishte nevojën për një shpëtim të vogël nga Tarzani.
Pasi aktorja pësoi një defekt të vogël në veshje, Alexander Skarsgard e ndihmoi në krye të detyrës në tapetin e kuq, duke rregulluar pjesën e pasme të fustanit të saj.
Aktori i pashëm qëndroi para yllit 26-vjeçar ndërsa ajo po rregullonte fustanin e saj, i cili duhet se pësoi një defekt nga era.
Duke u ndjerë në sikletë për situatën, Margot i dha më pas bashkëpunuesit të saj një puthje falënderuese në faqe. Aktori 39-vjeçar mbajti një qëndrim mbrojtës ndërsa e mbante krahun rreth bashkëpunëtores së tij, kur pozonte për foto.
Skarsgard, i njohur për rolin e një vampiri në serinë e filmave “True Blood”, iu desh të punonte për fizikun e tij gjatë 9 muajve të fundit për t’u vënë nën petkun e heroit të xhunglës me zhdërvjelltësinë e një kafshe, por ai pohoi me shaka se nuk kishte ndjekur ndonjë regjim të veçantë.
“Babai im po xhiron një miniserial në Londër, kështu që unë shkova në shtëpinë e tij dhe kalova 5 ditë i ulur në kolltuk duke ngrënë. Ditë të mrekullueshme”, shprehet ai.
Filmi përfshin një sasi të konsiderueshme efektesh speciale, por për Margot Robbie kjo nuk përbënte ndonjë sfidë të veçantë në sheshxhirim.
“Ndoshta ju e dini këtë, por ata ndërtuan të gjithë sheshxhirimin, xhunglën, fshatin, qytetin. Kështu që ne nuk e kishim të nevojshme të përdornim shumë imagjinatën”, tha Robbie.
Historia e trilluar e Tarzanit, që bazohet në librat e Edgar Rice Burroughs, është frymëzuar nga jeta e historianit afro-amerikan, George Washington Williams, i cili udhëtoi në Kongo dhe kritikoi Mbretin belg Leopoldi i dytë për trajtimin brutal që i rezervonte popullit kongolez.
Burimi: Daily Mail
