Po vjen vera! Aroma e erës që fryn buzë detit, një akullore në dorë dhe ups, një pickim nga një mushkonjë e bezdisshme që të gjeti ty mes qindra njerëzve!
Epo tani duket se ky makth do të marrë fund pasi është zbuluar se muzika e një artisti të njohur i mban larg mushkonjat!
Sipas një studimi të fundit shkencor, mënyra për të shmangur pickimet e mushkonjave, është dëgjimi i muzikës elektronike – në veçanti dubstep, nga artisti amerikan Skrillex.
“Tingujt janë vendimtarë për riprodhimin, mbijetesën dhe mirëmbajtjen e shumë kafshëve”, thotë një ekip shkencëtarësh ndërkombëtarë që merren me mushkonjat dhe sëmundjet që mbartin.
Ata studiuan mushkonjën e llojit Aedes aegypti, e njohur si mushkonja e verdhë, dhe i vendosën muzikën elektronike për të parë nëse mund të pickonte.
Scary Monsters And Nice Sprites, u zgjodh për shkak të përzierjes së saj të frekuencave shumë të larta dhe shumë të ulëta.
Mushkonjat femra kënaqeshin nga kënga dhe sulmonin më vonë dhe më rrallë sesa ato në një mjedis pa dubstep.
Shkencëtarët gjithashtu zbuluan se mushkonjat e ekspozuara ndaj këngës bënin marrëdhënie seksuale “shumë herë më rrallë” sesa mushkonjat pa muzikë.
Burimi: BBC
