Historia e njohjes së aktorit Florjan Binaj me ish-missin Sadina Binaj është sjellë këtë pasdite në emisionin “Rudina” në tv Klan ku çifti ishte i ftuar.
Ata treguan çdo gjë rreth lidhjes së tyre, duke nisur nga dashuria me shikim të parë në ambientet e Liceut Artistik te martesa në gjendjen civile (lexo këtu).
Por le të kthehemi pak në fillimet e njohjes së Florit me Sadinën. Në atë kohë aktori, që studionte për pikturë kishte një look ndryshe nga sot.
Flori kishte flokë në kohën kur u njoh me Sadinën, dhe në momentin kur u pranua në programin e humorit “Portokalli” vendosi të qethej tullac pa i thënë gjë partneres, me të cilën kishte dy muaj që ishte njohur.
Dhe çfarë mendoi Sadina do të thoni ju!
“Flori ishte qethur qeros dhe mendova se do të ikte ushtar. Ai erdhi dhe nuk më tha gjë përveç se do të më shohësh në filan orë e filan vend”.
Megjithatë roli i tij u prit shumë mirë nga Sadina e cila edhe sot e kësaj dite e mbështet atë në çdo dalje.
