Shqiptarët dhe serbët janë gjithmonë në “përplasje” me njëri-tjetrin dhe duket se kërkojnë gjithmonë një arsye për të bërë komente të pakëndshme. Meqë në Shqipëri shumë persona kanë mentalitetin , që nuk i pranojnë homoseksualët, ky ndryshim mund të kalojë edhe në humor.
Ish-kreu i qeverisë serbe, Aleksandër Vuçiç ka vendosur në krye të qeverisë serbe ish-ministren e administratës publike Ana Brnabiç. Ajo është gruaja e parë dhe e deklaruar si lesbike në vendet e Ballkanit, që do të drejtojë një zyrë kryeministrore.
41-vjeçarja do të zëvendësojë Vuçiç-in në këtë zyrë pasi ai u zgjodh President i vendit 2 javë më parë.
“Besoj se Ana ka të gjitha vlerat dhe cilësitë profesionale dhe personale për të drejtuar qeverinë”, tha Vuçiç pak ditë më parë.
Ndërsa propozimi i saj mbetet për t’u miratuar nga Parlamenti i Serbisë, pritet që kjo votë të jetë një formalitet pasi partia e tyre ka shumicën e deputetëve.
Mediat europiane shkruajnë se fakti që ajo është lesbike do të bëjë që të drejtat e komunitetit LGBT të jenë më të respektuara në Serbi, por edhe në Ballkan. Përtej gjithçkaje ne mendojmë se Vuçiç ka bërë zgjedhjen e duhur dhe është një shembull për t’u ndjekur!
