Është miratuar marrëveshja me qeverinë turke për njohjen e ndërsjelltë të lejeve të drejtimit të automjeteve.
Në mbledhjen e djeshme të qeverisë, Këshilli i Ministrave të Republikës së Shqipërisë dhe qeveria e Republikës së Turqisë, bënë zyrtarisht njohjen e ndërsjellë dhe shkëmbimin e lejeve të drejtimit.
Kjo marrëveshje është bërë “në mbështetje të nenit 100 të Kushtetutës dhe të nenit 19, të ligjit nr. 43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave”, thuhet në vendimin e qeverisë.
Tani shtetasit shqiptarë mund të udhëtojnë me leje drejtimi shqiptare në territorin e Turqisë dhe anasjelltas, shtetasit turq në vendin tonë.
Shtete të tjera që njohin patentat shqiptare janë, Belgjika, Kroacia, Maqedonia e Veriut, Serbia, Mali i Zi, Kosova, Greqia dhe Italia.
/ATSH
