Tani do ta keni më të thjeshtë që t’i blini veshjet tuaja të preferuara në dyqanet online. “Google” tashmë është pajisur me një mjet të ri për modën.
Cilësia quhet “Shop the Look” dhe ja se si e përshkruan atë kompania: Kur ju kërkoni për një veshje të caktuar në “Google”, si rezultate kërkimi do të shfaqen të gjitha fotot që paraqesin atë së bashku me një seri aksesorësh, që kombinohen me veshjen dhe secilën nga ato mund ta porosisni menjëherë online.
“Google” thotë se fotot që do të shfaqen në “Shop the Look” mbështeten nga marka dhe shitës që kanë partneritet me emra të tillë si “LIKEtoKNOW.it” dhe “Polyvore”. Aktualisht risia po testohet në pajisjet telefonike për përdoruesit amerikanë.
Për shembull, nëse ju do të “pëlqeni” një imazh me një veshje të caktuar në “Instagram”, shërbimi do t’ju dërgojë me e-mail linkun për të blerë të gjitha veshjet që mban personazhi në foto.
“Google” pa dyshim që ka goditur mirë me këtë. Përveç fuqisë dhe pasurisë së madhe të kërkimit që ai ofron, Motori më i madh i kërkimit tani mund të lidhet me të gjitha firmat dhe shitësit që ofrojnë produktet e tyre për blerje online. Përdoruesit nuk kanë pse të shkarkojnë aplikacione te veçanta në celular dhe të shpenzojnë shumë kohë duke kërkuar për veshjet e tyre.
Përdoruesit mund të kërkojnë në “Google” për një paraqitje, si p.sh. “fustan për koktej” dhe platforma do të tregojë imazhet nga influencuesit social që përshtaten me paraqitjen në fjalë. Më pas menjëherë pasi përdoruesi klikon një nga imazhet në fjalë, do të dalë një galeri me çdo pjesë të veshjes në imazh, bashkë me linkun se ku mund t’i blini.
“Googel” pa dyshim që ka goditur mirë me këtë. Përveç fuqisë dhe pasurisë së madhe të kërkimit që ai ofron, “Google” tani mund të lidhet me të gjitha firmat dhe shitësit që ofrojnë produktet e tyre për blerje online. Përdoruesit nuk kanë pse të shkarkojnë aplikacione te veçanta në celular dhe të shpenzojnë shumë kohë duke kërkuar për veshjet e tyre.
Burimi: TechCrunch
