Një video ku Loredana Zefi dhe Zuna përkëdheleshin në avion, konfirmoi lidhjen e tyre romantike shumë javë më parë!
Dy reperët e njohur janë kapur shpesh herë mat, dhe me postimet e tyre nga vende të njëjta kanë treguar se janë bashkë.
Por një detaj i fundit ka vërtetuar 100 për qind lidhjen e tyre, e cila me sa duket është bërë serioze. Ka qenë vëllai i Loredanës ai i cili ka publikuar një foto me reperin Zuna në profilin e tij në Instagram.
Arsim Zefi ka pozuar përkrah reperit të famshëm gjerman, si për të konfirmuar të gjitha zërat që po përfliten për lidhjen e re të motrës së tij Loredana.
Dyshen e kemi parë shpesh së bashku kohët e fundit. Ata janë kapur herë pas here “mat” nëpër aeroporte, gjatë pushimeve së bashku si dhe në studio muzikore duke punuar për projekte të reja.
Por ky postim i vuri vulën gjithçkaje!
Nuk e dimë çfarë mendon Mozzik për këtë pasi, para se të ndahej nga Loredana ai ka qenë mik me Zunën.
Ata mbështesnin njëri-tjetrin dhe herë pas here publikonin foto së bashku në rrjete sociale.
Madje, në rrjet qarkullojnë ende foto të dy djemve, të cilët tashmë e kanë prishur shoqërinë me njëri-tjetrin.
