Këtë prag festash mund të bësh një fëmijë të lumtur dhe kjo gjë nuk kërkon shumë përpjekje!
Besa Kokëdhima ka ndërmarrë një nismë për të gëzuar sadopak fëmijët e prekur nga tërmeti, ata në nevojë ose ata të shtëpisë së fëmijës.
Ajo bën thirrje që secili nga ne të bëjë një dhuratë dhe ta dërgojë atë në hollin e ArtTurbinës në orën 9:00 deri në 21:00, në datat 21-22 dhjetor.
“Dhuro një lodër këtë fundvit për fëmijët e prekur nga tërmeti, fëmijët e shtëpisë së fëmijës, fëmijët më pak fatlum. Datat 21-22 Dhjetor, Holli i ArtTurbina 09.00-21.00”, shkruan Besa në Instagram ku prezanton nismën e saj.
“Çdo fëmijë ka nevojë të marrë një dhuratë për të ndjerë sapopak gëzim, veçanërisht pas tragjedisë që goditi vendin tonë. Sigurisht që nevojat janë të ndryshme gjithsesi ju mund të kontribuoni me ndonjë lodër së bashku me fëmijët tuaj”, shprehet Besa në videon e publikuar.
