Almeda Abazi prej vitesh ka humbur një nga njerëzit më të shtrenjtë, të atin. Babai është ndarë nga jeta kur ajo ka qenë 16 vjeçe dhe prandaj kjo ngjarje ka lënë shumë gjurmë tek bukuroshja shqptare . Almeda ka treguar gjithmonë se e ndjen shumë mungesën e të atit dhe se koha nuk e ka zbehur asnjëherë mallin që ndjen për të.
Si kurrë më parë modelja ka folur publikisht në një televizoin për këtë ngjarje të trishtë të jetës. Në intervistën e sotme për “Ora News” Abazi ka rrëfyer se për momentin dëshira e saj më e madhe është që ta kishte pranë të atit, sikur vetëm për një çast, që të mund të shikonte vogëlushin e saj, Efehan.
“Gjithmonë, unë gjithmonë asnjëherë nuk e heq nga mendja. Më shumë tani, mbasi linda Efehan ,do doja shumë ta kisha pranë. Sikur vetëm një ditë, vetëm një ditë të vinte të shikonte Efehan, kaq. Nuk do doja asnjë gjë tjetër. Sigurisht që gjithmonë më ka munguar, gjithmonë e kam kërkuar, gjithmonë kam dashur ta kem pranë. Ka qenë një traum për ne, për mua dhe motrën time pasi edhe ajo ishte shumë e vogël, por më shumë ja kam ndjerë mungesën gjatë lindjes”, u shpreh Almeda.
Ajo ka shtuar se mungesën e babait nuk e zëvendëson askush, por në një farë mënyre pas lindjes së Efehan boshllëku u plotësua.
“Jo nuk zvendësohet, asnjëherë. Në fakt është kjo, këtë gjë e kam vënë re pasi linda Efehan. Para një viti kur flisja për babin më mbusheshin sytë me lot mbas lindjes së djalit, Efehan ka plotësuar atë pjesë. Mbas Efehan pranova ikjen e babit, pranova që babi nuk është më. Efehan plotëson atë boshëllëkun”, tha ish-missi.
Gjatë intervistës ajo zbuloi një fakt shumë interesant, se një nga kujtimet më të rëndësishme nga babai ja ka dhuruar bashkëshortit të saj, Tolgahan Sayisman.
“Është unaza e babit që e mbante gjithmonë, tani e ka Tolgahan ja dhashë atij. Ai e mban gjithmonë në varse“, tregoi Abazi.
Almeda ka 3 vite e martuar me aktorin turk dhe Efehan ka ardhur në jetë si fryt i dashurisë së tyre.
