Ai kohët e fundit zbuloi se planet e tij për të hequr brinjët, nuk ishin pranuar nga mjekët, pas frikës se mund të pësonin diçka mushkëritë.
Sidoqoftë, Rodrigo Alves, i njohur si kukulla Ken, nuk humbi kohë duke rezervuar një takim për një tjetër procedurë, pasi tregoi rezultatet e pastrimit kimik të fytyrës.
34-vjeçari u shfaq i veshur shumë klas, por të gjithë i kishin sytë nga fytyra e tij e djegur.
Pastrimi kimik i fytyrës (chemical peel) përfshin aplikimin në fytyrë të një solucioni me përmbajtje acide, duke e lënë atë fillimisht ta thithë dhe pastaj të heqë lëkurën e vjetër për të zbuluar lëkurën e re të freskët.
“Ishte shumë e dhimbshme dhe fytyra ime tani duket e kuqe. Ndihet si djegie! Këtu ka shumë diell dhe unë nuk mund të dal për ditët e ardhshme, nëse nuk lyhem me krem mbrojtës. Në 2018-n mbush 35 vjeç dhe kërkesa im kurrë nuk ka qenë që të jem i përsosur, por të dukem i ri. Për shkak të dritave nga studiot televizive dhe makijazhi, lëkura ime ka qenë e acaruar, por ky trajtim do ta bëjë lëkurën time të butë dhe më të re.
“Nuk do ta lë kurrë veten pas dore dhe askush nuk do të shoh kurrë ndonjë rrudhë në fytyrën time. Disa njerëz mendojnë se vetëm duke shkuar në palestër dhe duke bërë muskuj është e mjaftueshme. Mendoj se meshkujt duhet të kujdesen edhe për fytyrat e tyre me krem nate dhe makijazh, ashtu siç bëj unë. Të jesh krenar për pamjen tënde është të duash veten”, u shpreh Rodrigo Alves.
Burimi: Daily Mail
