Një taksist në Elbasan është denoncuar se ka tentuar të rrëmbejë një fëmijë.
Ngjarja ka ndodhur në afërsi të rreth rrotullimit ‘1Maji’, ndërsa 55-vjeçari taksist nga Bradasheshi, me targat e makinës AA 993 AF, raportohet se prej vitesh punonte në këtë profesion në Elbasan.
Fillimisht ai nuk ka pranuar akuzën dhe ka deklaruar se i kishte rënë borisë dhe e kishte marrë si pasagjer fëmijën, por prindërit pretendojnë ndryshe.
Duke mos e njohur taksistin djali kishte refuzuar dhe i kishte bërë një foto makinës dhe më pas ia ka nisur babit të tij. Pas kësaj familjarët e fëmijës kanë bërë denoncimin dhe policia ndërhyri duke kapur në flagrancë taksistin.
Taksisti në polici ka thënë se fëmija i kishte ngjarë me nipin e gruas prandaj kishte tentuar ta merrte në makinë. Policia konfirmoi që në të vërtetë djemtë kishin ngjashmëri me njëri tjetrin.
Policia dhe grupi hetimor së bashku me Prokurorin e çështjes po punojnë me sqarimin e plotë të ngjarjes.
/Report.tv
