Presidenti Barack Obama dhe Donald Trump u bashkuan dhe premtuan të punojnë bashkë, në atë që dukej si një takim miqësor në “Shtëpinë e Bardhë”, të enjten.
Trump tha se ai “po kërkonte për të rënë dakord me presidentin në të ardhmen”, ndërsa Obama pohoi se ai ishte “shumë i inkurajuar nga interesi në zgjedhjen e Trump si president për të punuar me ekipin e tij”.
Por edhe për syrin jo shumë vëzhgues ishte e qartë që pati disa tensione dhe ekspertja e gjuhës së trupit, Patti Wood, analizoi takimin e parë mes njeriut më të fuqishëm në Amerikë dhe personit të zgjedhur për ta zëvendësuar atë.
Obama ishte “shumë i lodhur, i dorëzuar dhe pa shpresë”, ndërsa Trump ishte “i ndrojtur, serioz dhe ndoshta i frikësuar”, shprehet ekspertja.
“Nëse sheh mënyrën si janë ulur, si kanë vendosur këmbët, të dy përpiqen të thonë “Unë jam burrë”.
Megjithatë këmbët e Obama-s janë më të hapura, kjo demonstron forcë dhe thotë “Unë jam ende në majë”. Por shin duart e Donald Trump që tërhoqën vëmendjen e Wood, “i ka vendosur në pozicion lutje kokëposhtë”. Një qëndrim i tillë nuk është i zakonshëm për një President të ardhshëm.
“Besoj se ka mësuar diçka që nuk e ka ditur më parë. Është një pozicion eksperimentues”, shpjegon ekspertja. “Trump shtrëngon duart e veta kur fillon të flasë, gjë që tregon se ai ka nevojë të mbështesë veten. Obama bëri disa gjeste të çuditshme, lëshon duart mbi këmbë, kjo është shenjë lodhje”.
“Obama thotë se është i inkurajuar nga interesi që ka shfaqur Trump për të punuar me skuadrën e tij dhe në këtë moment mbyll sytë. Ky quhet bllokim shikimi dhe më thotë se nuk ndihet vërtet i inkurajuar”.
Pavarësisht kësaj sipas ekspertes, Obama beson vërtet se do t’i duhet të punojë me Trump për të përballur sfidat dhe Trump ishte serioz dhe i sinqertë në deklaratat e tij.
Burimi: Daily Mail
