Aktorja e madhe shqiptare, Tinka Kurti, feston sot 88 vite jetë. Ajo ka dhënë një kontribut të çmuar në kinematografinë e teatrin shqiptar dhe vazhdon ende të punojë me po të njëjtin pasion. Projekti më i fundit i saj është në filmin “Sofia” me regji të Eduart Grishaj.
Ky i fundit ka përzgjedhur Kurtin për një nga rolet kryesore në film dhe në këtë ditë të veçantë ka zgjedhur fjalët më të bukura për të uruar artisten e madhe. Eduarti ka ndarë në Instagram disa video e foto nga prapaskenat e filmit, i cili pritet të dalë së shpejti në kinema. Ai shprehet se kur e ka takuar Tinkën ka qenë dashuri me shikim të parë dhe ka uruar të jetë gjithnjë e qeshur si ditën kur e ka njohur.
“Nder dhe privilegj për mua të kem fatin ta kem këtë artiste në filmat e mi dhe këtë njeri në jetën time. Takimi nga afër me ty ka qenë dashuri me shikim të pare, si të të kisha njohur prej një jete. Gëzuar ditëlindjen Tinka Kurti, paç jetën e gjatë, dhe qofsh çdo ditë e lumtur dhe e qeshur siç ditën e parë që u takuam bashkë.”, shkruan Eduarti.
View this post on Instagram
Kujtojmë se gjatë karrierës së saj të gjatë artistike, Tinka Kurti ka luajtur në mbi 60 filma dhe 150 shfaqje teatrale. Për vlerat që i ka shtuar kinematografisë dhe talentin e madh ajo është vlerësuar edhe me medaljen “Artist i Popullit”.
