Andrra dhe Sinani kanë gati 3 vjet të martuar dhe jetojnë ndaras nga prindërit e këngëtarit.
Tashmë bukuroshja brune nga Maqedonia, i është futur biznesit dhe është kthyer në një “business woman” në Tiranë.
Por si po shkon Andrra me vjehrrën? Ajo publikon shpesh në rrjetet sociale foto me nënën e saj, por jo me nënën e Sinanit. Andrra ka një dobësi për të ëmën dhe e shohim shpesh ta urojë në Instagram, si për ditëlindje apo ndonjë festë.
Por vjehrrën nuk e kemi parë kurrë në Instagramin e saj. Herën e parë që Sinani foli për takimin nuse-vjehërr përdori fjalën “skandal”:
“Ka qenë skandal. Mamaja ime kishte vite që e priste. Në momentin e parë, sapo hyn Andrra, mamaja ime, mirë që filloi të qante, i merr dhe i puth dorën. Mua komplet tavani më ra sipër kokës. Mamaja ime i puthte dorën asaj… Unë e mora shumë keq. Duhet t’i puthte dorën Andrra asaj, por Andrra e humbi, edhe ajo mbeti”, ka thënë Sinan Hoxha.
Megjithatë Sinani ka thënë se nëna e tij e do Andrrën dhe madje bëhen edhe bashkë kundër tij:
“Edhe sot e kësaj dite mamaja ime bëhet palë me Andrrën, thotë ej, ka lënë Gjermaninë ka ardhur në Tiranë për ty”.
