Emisioni “E diela shqiptare” ka sjellë historinë e mësueses nga Berati e cila akuzon familjen e burrit të saj dhe vetë burrin që sipas saj i kanë marrë fëmijën që në lindje dhe nuk ia japin më.
Por ditën e sotme në emision ka ardhur vetë vjehrra e saj Natasha, e cila me profesion edhe ajo mësuese hedh poshtë çdo fjalë të Eglantinës.
Ajo u shpreh që historia e djalit të saj dhe Eglantinës ka nisur në hotelet e Sarandës dhe vetëm pas 3 muajsh ku ajo ka ngelur shtatzënë, djali i saj i është rrëfyer nënës mbi lidhjen me Eglantinën.
Ajo shprehet se u gëzua me lajmin e shtatzënisë dhe pranoi të takonte nusen e re të cilën sipas saj e trajtoi si vajzën e saj, kolege apo motër dhe thekson që marrëdhëniet e saj ishin shumë të mira.
Shtatzaninë Eglantina e kaloi në familjen e saj, po ashtu edhe lindjen, pasi sipas vjehrrës ishte Eglantina ajo që refuzonte të vinte në Sarandë tek shtëpia e burrit.
Ndërsa ditën e lindjes në Berat, vjehrra shprehet se kur iku në maternitet dhe njohu fëmijën u lumturua shumë ndërsa për Eglantinën shprehet se e gjeti të lyer si për karnavale dhe nuk pranoi t’i jepte gji fëmijës për 3 ditë në maternitet.
Gruaja e quajtur Natasha ka zgjedhur të tregojë sesi qëndron e vërteta e divorcit të nuses se saj Eglantinës dhe djalit të saj, dhe pse i vogli, Argentini 3-vjeçar jeton me të dhe jo me mamanë e tij.
Ajo ka dhe një mesazh për nusen e saj, sa kohë divorci mes saj dhe të birit nuk ka përfunduar ende.
REAGIMET:
Përplasja e djeshme mes ish-vjehrrës Natasha dhe Eglantinës, nënë e nipit të saj, ka sjellë reagime të forta të mijëra qytetarëve në rrjet.
Qytetarët nuk janë mjaftuar me shikimin e debatit në studio, por kanë shpërthyer edhe në “Facebook”, ku shumica kanë shprehur mbështetjen për Eglantinën dhe faktin se asaj duhet t’i kthehet djali.
Një prej personave që ka reaguar ka qenë edhe aktorja Rudina Dembacaj, e cila shkruan:
“Vjehrra ideale për ta rrahur 5 herë në ditë”, me disa emoji duke qeshur.
Duket se Rudina është skandalizuar nga sjellja e vjehrrës ashtu si kanë bërë pjesa dërrmuese e qytetarëve që ndoqën debatin.
