Le të kesh një makinë luksoze “Lamborghini”, nëse s’di ta parkosh do ta pësosh!
Kjo i ka ndodhur një të riu në Tiranë, i cili kishte parkuar automjetin e tij në vendin e taksive! Kjo gjë nuk kishte ndodhur 1 herë, por disa herë deri kur më në fund iu bllokua makina.
Kryebashkiaku Veliaj ka publikuar fotot në rrjetet sociale, ndërsa ka bërë edhe një koment pikant:
“Lamborghini-n ta kesh me jetë lali, por mëso te parkosh, sic parkon dhe në Gjermani! Flm qytetarëve që raportojnë çdo ditë problematikat tek aplikacioni “Tirana Ime” – një mundësi që secili të sillet si kryetar bashkie për mëhallën e vet”, shkruan Veliaj.
Bashkia ka publikuar fotot që tregojnë të njëjtin mjet duke parkuar tre herë gabim në vende të ndryshme.
