Beyonce hapi mbrëmjen e “Oscars 2022” me një performancë të zjarrtë dhe të gjithë sytë u kthyen nga ajo, padyshim!
Sigurisht, këngëtarja u ndërrua më vonë për të marrë pjesë edhe gjatë ceremonisë së ndarjes së çmimeve, për të cilën zgjodhi një fustan të verdhë të “Valentino-s”.
Mirëpo, e dini sa i kanë kushtuar look-ut të saj vetëm bizhutë? Sa qimet e kokës!
Bizhuteritë sipas Page Six mbajnë vulën e Lorraine Schwartz, që është emri i preferuar i Kim Kardashian për aksesorët. Këto aksesorë i kushtuan plot 9 milion dollarë.
Beyonce kishte përdorur: çantë 150 karat, 3 unaza, përkatësisht 50, 20 dhe 35 karat dhe vathë 150 karat.
View this post on Instagram
Në shtator të vitit që lamë pas, Beyonce mbushi 40 vjeç por vazhdon të mbetet një diva, freskia e të cilës nuk venitet kurrë.
Për ditëlindje, ajo i shkroi vetes një letër që bëri xhiron e rrjetit dhe mendojmë se duhet ta lexojë çdokush.
Nëse ende s’e keni lexuar, ja ku e keni:
“Sa më e pjekur bëhem, aq më shumë kuptoj dhe aq më thellë rritet gëzimi im. Kam një liri dhe çlirim duke e ditur se ia kam dalë në anën tjetër të sakrificës sime. Më në fund po i jap vetes leje për të shijuar frytet për të cilat kam punuar aq shumë, për të mbjellë gjithë jetën time.
Ky është viti i parë që unë e kuptoj vërtet se çfarë do të thotë të jesh gjallë dhe të jetosh momentin. Është hera e parë që unë mundem të kem një kuptim sesa e brishtë është vërtetë jeta, sa e vështirë mund të jetë ajo ndonjëherë dhe për këtë arsye, sesa e rëndësishme është të ndalesh dhe të nuhasësh trëndafilët në kohët e mira. Mendova se e dija atë kur isha 21 ose 30 vjeçe … por nuk e dija.
Unë jam shumë mirënjohëse që jam RRITUR! Kjo ka qenë absolutisht më e mira që kam ndjerë në jetën time”- ka shkruar Beyonce, duke frymëzuar femrat në mbarë botën.
