Syzet optike me ose pa numër janë aksesori më në modë i këtij sezoni. Blogerja Caroline Vazzana tha për “The Post” se aksesori që dikur nuk vihej nga vajzat tashmë është kthyer në të preferuarin e shumë figurave publike.
“Ato përmirësojnë veshjen,” tha Vazzana, e cila ka grumbulluar rreth 30 palë syze optike deri tani.
Syzet “Bayonetta”, me kornizat e hollë të vendosura më së shumti nga Gisele Bündchen në filmin “The Devil wears Prada” kanë bërë shumë bujë në TikTok.
Syzet optike i kemi parë edhe tek Doja Cat, Bella Hadid, Reneé Rapp dhe më së shumti, Billie Eilish në “Golden Globes”. Ata u shfaqën dukshëm në dy koleksionet e fundit nga marka “Miu Miu”.
Por perceptimi i publikut për syzet sot është shumë larg nga reputacioni i tyre edhe një dekadë më parë, kur ato shiheshin si një aksesor jo i pëlqyeshëm për të përmirësuar shikimin. Tregu i syzeve sot vlerësohet në rreth 35 miliardë dollarë dhe në vitin 2033, vlera e tregut të syzeve luksoze pritet të rritet në 56 miliardë dollarë.
