Dua Lipa është në kulmin e suksesit të saj. Për momentin ajo po shijon frytet e albumit “Future Nostalgia” që s’ka shumë ditë që e ka publikuar.
Në një intervistë online në “Watch What Happens Live” me Andy Cohen, Dua ka folur për albumin në fjalë, por edhe disa gjëra që i kanë ngelur “peng”.
Ylli më i ri i muzikës pop, kishte menduar që pjesë e “Future Nostalgia” të ishin edhe dy këngë që ajo do i kishte në bashkëpunim me 2 artiste të famshme.
Konkretisht bëhet fjalë për Miley Cyrus dhe Normani.
https://www.instagram.com/p/B_3m0szJVCS/
https://www.instagram.com/p/B8SDVZeHi4J/
Dua shpjegoi se për shkak të pandemisë këto dy bashkëpunime nuk mundën dot që të finalizoheshin, por u shpreh se shumë shpejt do të publikohen sapo situata të jetë normalizuar.
Albumi i saj i fundit “Future Nostalgia” ka rezultuar një sukses i jashtëzakonshëm që i ka ofruar këngëtares shqiptares ndër të tjera edhe shumë miliona euro.
Kënga e parë e këtij albumi që titullohet “Don’t start now”, e publikuar në tetor të vitit të kaluar ka qëndruar në top listat ndërkombëtare për javë me radhë.
Dua kryesoi listën me top-10 artistet më të dëgjuara, ndërsa la pas Billie Eilish, Taylor Swift, Ariana Grande, e shumë të tjera.
