Festivali i Filmit në Kanë nuk do të zhvillohet “në formën e tij origjinale” këtë vit, për shkak të pandemisë së koronavirusit.
Ende nuk ka një datë zyrtare se kur mund të zhvillohet një ndër festivalet më të rëndësishme të filmit.
“Në këtë kohë të krizës globale shëndetësore, mendimet tona shkojnë për viktimat e COVID-19 dhe ne shprehim solidaritetin tonë me të gjithë ata që janë duke luftuar sëmundjen”, thuhet në deklaratën e organizatorëve.
Festivali i Filmit, i cili tërheq mijëra kineastë, personazhe të famshëm dhe drejtues në qytetin francez, ishte parashikuar të zhvillohej nga data 12 deri 23 Maj.
Përpos rëndësisë së prezantimit të filmave, një ndër gjërat për të cilën komentohet shumë Festivali i Filmit në Kanë është tapeti i kuq ku kalojnë personazhë të famshëm dhe tërheqin vëmendjen e të gjithëve me veshjen e tyre. Pra, e thënë ndryshe, një mini-sfilatë ndodh në tapetin e kuq në Kanë.
Ndërkohë që presim publikimin e datës zyrtare se kur do të mbahet në vazhdim Festivali i Filmit në Kanë le të shohim disa nga veshjet që kanë shkëlqyer në tapetin e kuq ndër vite:
