Megjithëse ishim mësuar ta shihnim bjonde, të gjithë u habitëm kur këngëtarja Bebe Rexha u shfaq në Instagram duke lyer vetë flokët e saj në ngjyrë të kuqe.
Super e vendosur për një ndryshim kaq drastik, ajo ndau të gjithë procesin me fansat e saj dhe sigurisht që pozat si kokëkuqe nuk munguan.
View this post on Instagram
Këngëtarja shqiptare duket se e shijoi shumë këtë etapë “të kuqe” të jetës së saj, mirëpo erdhi koha për të bërë sërish ndryshime.
Duket se Bebes i doli përsëri nga qejfi e kuqja dhe iu rikthye ngjyrës së flokëve të cilës i ka qëndruar besnike prej vitesh, bjondes.
Në llogarinë e saj në Instagram, këngëtarja ka treguar se i është kthyer look-ut të mëparshëm, madje ka bërë edhe një tjetër ndryshim.
Ajo nuk i ka rezistuar dot trendit të momentit, balukeve dhe na kënaqi sytë me pamjen e re!
View this post on Instagram
Në rrjete sociale është përhapur së fundmi një lajm që i ka shqetësuar jo pak fansat e Bebe Rexhës. Thuhej se këngëtarja ka ndërruar jetë për shkak të mbidozës nga droga dhe se ky lajm ishte konfirmuar edhe nga familjarët e saj.
“Lajmi i fundit: CNN ka konfirmuar që ylli i popit Bebe Rexha ka ndërruar jetë për shkak të mbidozës së drogës në shtëpinë e saj në Kaliforni. Familja e Bebe Rexhës ka publikuar një deklaratë për shtyp duke thënë: Ajo ishte drita në jetën tonë. Ne do ta vlerësonim privatësinë në këto kohë të vështira”, shkruhej në një deklaratë që u shpërnda me shpejtësi në rrjete sociale.
Mirëpo e gjithë kjo ka qenë e rremë dhe në lidhje me këtë lajm ka reaguar edhe vetë Bebe Rexha e shokuar. Ajo ka publikuar në Twitter disa nga mesazhet e fansave të saj dhe ka reaguar e habitur nga lajmet që janë bërë për të.
“Oh Zot unë qëndroj jashtë linje për tre ditë dhe jo vetëm që kam vdekur, por kam vdekur dhe nga mbidoza e drogës?”, ka shkruar Bebe në një postim.
Më pas këtë situatë ajo e ka kaluar me sportivitet, duke bërë shaka me ndjekësit e saj në Twitter.
“Unë jam fantazmë. Po shkruaj në Twitter nga dollapi i dhomës tënde”, ka shkruar këngëtarja.
