Kampionia Serena Williams ka thyer të gjitha pritshmëritë me kopertinën më të re të revistës “Harper’s Bazaar”.
Ylli i tenisit ka pozuar si rrallëherë shumë natyrale në kopertinën e revistës, në kuptimin që fotoja mbetet e papunuar me Photoshop.
Nuk duhet të jemi profesionistë që të dallojmë lehtësisht me syrin tonë pjesën e varur te sqetulla apo të bustit.
Kampionia nuk e ka vrarë aspak mendjen por ka pozuar kështu dhe ka dalë pikërisht siç është vërtet duke u dukur tepër origjinale.
Në intervistën për “Harper’s Bazaar” Serena ka folur për sfidat dhe jetën e saj si nënë.
“Kohët e fundit, vajza ime është arsyeja që unë përdor zërin tim, arsyeja që marr raketën sërish. Dashuria jep jetë dhe perspektivë të re te njerëzit. Nuk ka të bëjë me ndalesën kur dikush paraqet një sfidë; ka të bëjë me ngritjen kur je poshtë, duke e pyetur veten: “Kjo është më e mira që mund të bësh?” Sepse unë kam Zotin me mua dhe mund të përballoj gjithçka që vjen në rrugën time”.
Në njërën nga fotot Serena ka guxuar më shumë duke ekspozuar një pjesë të të pasmeve, sërish të paedituar. Ajo shfaqet e veshur vetëm me ngjyrë ari, si një trofe i vërtetë.
