Disa nga emrat më të mëdhenj në muzikës u mblodhën mbrëmjen e së dielës për “American Music Awards” 2017.
Një mori yjesh shkëlqyen në tapetin e kuq të dielën në “Teatrin Microsoft” në Los Anxhelos, por të gjithë sytë i kishin nga Selena Gomez.
Dhe në fakt këngëtarja 25-vjeçare arriti të na surprizonte të gjithëve: U bë bionde!
Selena arriti të fitonte tapetin e kuq dhe vëmendjen e të gjithëve me paraqitjen e saj. Jo vetëm flokët, ndryshim të cilin nuk e prisnim, por edhe fustani lëkure në model xhakete pati impakt.
Ajo zgjodhi fustanin nga marka “Coach”, me dizajne zinxhirësh dhe qëndisje yjesh.
Brunia natyrale na tregoi se i shkonin edhe flokët bionde, ndërsa kishte zgjedhur një makijazh natyral, vetëm rimel dhe buzët e kuqe.
Këngëtarja, e cila është rilidhur me Justin Bieber, performoi për herë të parë që pas transplantit të veshkave.
Ajo këndoi hitin e saj më të ri “Wolves”, e veshur me një këmishë nate dhe të brendshme.
Për t’iu përshtatur këngës, Selena dha idenë e përplasjes së një makine, prej të cilës doli e plagosur te gjunjët dhe në pjesën e kokës.
Burimi: Daily Mail
